Um mig

Ég er með margra ára reynslu af þjálfun, bæði sem einkaþjálfari og af hóptímum. Ég hef stundað íþróttir allt mitt líf og prófað margt og komist langt í því sem ég hef lagt mér fyrir hendur. Ég hef td. stundað hlaup og hlaupið og keppt í öllum helstu vegalengdum og var á sínum tíma á lista yfir 20 bestu hlaupara landsins í öllum vegalengdum. (5km, 10km, 21km og 42km ásamt Laugaveginum).

Eftir hlaupin fór ég að stunda CrossFit, rak CrossFit stöð í Hafnarfirði í 10 ár, þjálfað þar og keppti m.a. þrisvar á Evrópumóti í CrossFit. Tók mér 2ja ára pásu frá CrossFit æfingum og stundaði einungis lyftingar og fór að keppa í Kraftlyftingum þar sem ég varð Íslandsmeistari í opnum flokk árin 2015 og 2016, bæði í klassískum kraftlyftingum og búnaðar lyftingum. Setti fjölmörg íslandsmet í öllum greinunum í mínum þyngdarflokk í bekkpressu, hnébeygju og réttstöðulyftu. Vann einnig bronsverðlaun í bekkpressu á EM í kraftlyftingum og keppti að auki tvisvar sinnum á Heimsmeistaramóti í Kraftlyftingum með góðum árangri. Ég hef að mestu séð um æfingaáætlanir fyrir WorldFit Tjarnarvelli frá árinu 2020 með jákvæðum viðbrögðum og góðum árangri meðal iðkenda WorldFit.

Ég hef mikla ánægju af því að hjálpa fólki að ná sínum markmiðum og býð bæði upp á einkaþjálfun og fjarþjálfun. Einkaþjálfunin hentar þeim sem vilja persónulega þjónustu og mikla eftirfylgni. Fjarþjálfun hentar þeim sem ekki komast til mín á æfingar eða þeim sem hafa verið í einkaþjálfun en vilja áfram hafa aðgang að æfingarplönum og eftirfylgni.

Best er að hafa samband með því að senda tölvupóst á [email protected] eða hringja í mig í síma 659-9599.